ڈاک لسٹ میں سبسکرائب کریں
آپ کے لئے منتخب کیا ہے
یونیورسٹی کینٹین میں : یہ کتاب عالم عرب کے ممتاز عالم دین، بہت سی کتب کے مصنف اورعظیم دانشور ڈاکٹرعبدالرحمٰن عریفی حفظہ اللہ کا علمی شاہکار ہے۔ ان کی اچھوتی اور منفرد تحریریں عرب دنیا میں بے حد مقبول ہیں۔ زیر نظر کتاب عربی زبان میں "صرخة في مطعم الجامعة"کے نام سے لاکھوں کی تعداد میں شائع ہو کر لوگوں کے ہاتھوں داد تحسین حاصل کر چکی ہے۔ اس کتاب کا اردو ترجمہ "یونیورسٹی کینٹین میں" اس وقت آپ کے سامنے ہے۔ کتاب کا موضوع اسلام کی عزت مآب بیٹیوں کے چہرے کے پردہ کی افادیت اور ان کے گوہر عصمت کی حفاظت ہے۔ کتاب قرآنی آیات، شرعی دلائل، عبرت انگیز اور نصیحت آموز واقعات سے مزیّن ہے۔ عصر حاضر کی نوجوان نسل کے لیے یہ ایک شاندار تحفہ ہے۔ اس کتاب کے مطالعے سے مسلم بیٹیاں اور بیٹے صراط مستقیم پر گامزن ہونے میں سہولت محسوس کریں گے۔ اسی راہ پر چلنے میں ہی امت کی عظمت گم گشتہ کی بازیابی ہو سکتی ہے۔ کتاب کا اردو ترجمہ حافظ قمر حسن نے کیا ہے جو بہت رواں اور سلیس ہے۔ پروف خوانی اور تخریج کے فرائض حافظ ندیم اور مولانا عبد الرحمن نے انجام دئے ہیں -(ع۔م)
" اپریل فول " کا پس منظرکیا ہے ؟ اس کے متعلق شریعت کا کیا حکم ہے؟ نیزشریعت میں جھوٹ، دھوکہ بازی، ناحق دوسرے کوایذارسانی اورکفارکی مشابہت وغیرہ کے بارے میں کیا وعید آئی ہے.فتوی مذکور میں ان سب کے بارے میں اختصار کے ساتھ جانکاری پیش ہے۔
سن 1435هـ كا حفظ حديث انعامى مقابلہ
زیر نظر ویڈیو میں شیخ فیض سیّد -حفظہ اللہ- نے جماع ،ہمبستری، سیکس کے طریقہ کو کتاب اللہ اور پاکیزہ سنّت کی روشنی میں نہایت تفصیل سے بیان کیا ہے۔ واضح رہے کہ اس ویڈیو کا مشاہدہ ایک لاکھ تیس ہزارسے زیادہ مرتبہ ہوچکا ہے۔ شادی کی دہلیز پے قدم رکھنے والے نوجوان لڑکے اور لڑکیوں کیلئے اس ویڈیو کا مشاہدہ نہایت ہی مفید ثابت ہوگا، تاکہ ازدواجی زندگی کے پیچیدہ مسائل اور اس سلسلے میں پائی جانے والی غلط فہمیوں کو دُور کرکے پاکیزہ سنت کی روشنی میں ازدواجی زندگی کو خو شگوار بنا سکیں۔
زیر نظر ویڈیو میں مولانا عتیق الرحمن سراجی - حفظہ اللہ - نے آخرت پر ایمان کا مفہوم ، آخرت پر ایمان لانے کی اہمیت و ضرورت اور اس پر ایمان لانے کے فوائد وثمرات کو قرآن وسنت کی روشنی میں نہایت ہی تفصیل سے بیان فرمایا ہے۔
خصائل محمدى اردو شرح شمائل ترمذی: انسانیت کے انفرادى معاملات سے لے کراجتماعى بلکہ بین الاقوامى معاملات اورتعلقات کا کوئی ایسا گوشہ نہیں کہ جس کے متعلق پیارے پیغمبرصلى اللہ علیہ وسلم نے راہنمائی نہ فرمائی ہو، کتب احادیث میں انسانى زندگی کا کوئی پہلو تشنہ نہیں ہے یعنى انفرادى اور اجتماعی سیرت واخلاق سے متعلق محدثین نے پیارے پیغمبر صلى اللہ علیہ وسلم کے فرامین کی روشنى میں ہر چیز جمع فرمادی ہے- زیر نظر کتاب "شمائل ترمذی" بھی اسی سلسلہ کی ایک کڑی ہے جسمیں امام ترمذی رحمہ اللہ نے نہایت محنت وکاوش وعرق ریزی سے سیّد کائنات ،سيد ولد آدم، جناب محمد رسول صلى الله عليه وسلم كے عسرویسر، شب وروز اور سفر وحضرسے متعلقہ معلومات ‏کو احادیث کی روشنى میں جمع کردیا ہے- کتاب پڑھنے والا کبھی مسکراتا اورہنستا ہے تو کبھی روتا اورسسکیاں بھرتا ہے- ‏سیّد کائنات صلى اللہ علیہ وسلم کے رخ زیبا کا بیان پڑھتا ہے تو دل کی کلى کھل جاتی ہے اور جب گزر اوقات پر نظر جاتى ہے ‏تو بے اختیار آنسوؤں کی لڑیاں گرنا شروع ہوجاتی ہیں-
خدمت حدیث رسول صلى اللہ علیہ وسلم کے تعلق ومحبت کے جذبے کے تحت شمائل ترمذی کا ترجمہ، تخریج اور فوائد قارئین کی خدمت میں پیش کیا جارہا ہے. مترجمین وشارحین جناب علامہ منیراحمد وقار اور مولانا عبدالصمد ریالوى صاحب اورجناب ‏نصیرکاشف صاحب کو اللہ جزائے خیردے، جنہوں نے اپنا اپنا کام بڑی محنت ولگن سے سرانجام دیا- یاد رہے کہ احادیث ‏کی تحقیق ودراسہ میں علمائے متقدمین اورمحدث عصر ناصرالدین البانىؒ کے منہج کو مدّ نظررکھا گیا ہے- اللہ تعالى ان کی جملہ ‏دینی مساعى کو بھی قبول فرمائے اورانکے علم وعمل میں خیروبرکت عطا فرمائے آمین!‏
جب دنیا ریزہ ریزہ ہوجائے گی: زیر مطالعہ کتاب علاماتِ قیامت کے موضوع پر عالم عرب کی مشہور شخصیت ڈاکٹر محمد بن عبدالرحمٰن العریفی کی "نهاية العالم" کے نام سے لکھی گئی شاہکار تصنیف کا اردو قالب ہے۔ جسے فاضل مترجم قاری محمد اقبال عبدالعزیز نے نہایت ہی سلیس اور عام فہم اسلوب میں سر انجام دیا ہے۔
اس کتاب میں محترم مصنّف نے قرآن وسنت کی روشنی میں ظہوردجال، نزولِ مسیح ، یاجوج ماجوج کے نمودارہونے کے علاوہ مشرق ومغرب کے بدکاروں کو زمین میں دھنسا دینے کے واقعات ، مغرب سے سورج طلوع ہونے کی علامت اور اُس بھڑکتی ہوئی آگ کا ہوشربا منظر بیان کیا ہے جو قیامت کے دن لوگوں کو ہانک کر حشر کے میدان میں لے جائے گی۔
کتاب کی امتیازی وصف یہ ہے کہ اسمیں علاماتِ قیامت اُجاگر کرنے کے لئے نہایت خوبصورت ورنگین تصاویر اور 40 نادر نقشے بھی دیئے گئے ہیں۔
غم نہ کریں : یہ کتاب ایک سنجیدہ تحقیقی اور جاذب نظرمطالعہ ہے- انسانی زندگی کا المیہ اسکا موضوع ہے،جس میں انسان کو اضطراب وقلق، حيرانى وسرگشتگى، عدم اعتماد وبدشگونی، رنج وفکر، تنگ دلى ومایوسى، ناکامى اور نامرادی جیسی نفسیاتی کیفیات سے سابقہ پڑتا ہے- یہ کتاب وحى الہی کے نور، سنت کی رہنمائی اور انسانی فطرت سلیمہ کے بہترین تجربوں، زندہ مثالوں، خوشگوارقصوں اوردل فریب ادب کی روشنى میں زمانہ کی مشکلات ومسائل کا حل پیش کرتی ہے- اسمیں صحابہ کرام کے اقوال، تابعین عظام کے نصائح، بڑے شعراء کے لطیف اشعار، نامورطبیبوں وحکماء کے مشوروں اورسائنس دانوں کی رہنمائی سے بھی فیض اٹھایا گیا ہے- بیچ بیچ میں مشرق ومغرب اور قدیم وجدید کی وہ باصواب تحقیقات بھی پیش کردی گئی ہیں جو ذرائع ابلاغ، اخبارات ورسائل، خبرناموں ، ضمیموں اورسہ ماہی مجلّوں میں شائع ہوتی رہی ہیں- کہا جاسکتا ہے کہ یہ کتاب ایک لطیف معجون مرکّب ہے جسے آزمودہ نسخوں کی مدد سے تیارکیا گیا ہے-اختصارکے ساتھ قاری کیلئے اسکا پیام یہ ہے کہ " مطمئن وشاداں رہیں، خوش ہوں اُمید رکھیں اورغم نہ کریں"- کتاب کی افادیت کے پیش نظرمشہورقلم کارغطریف شہبازندوی نے اسے اردو قالب میں ڈھالا ہے اورنظرثانی کا کام پروفیسر یوسف ریاض -حفظہ اللہ- نے انجام دیا ہے.
زندگی سے لطف اٹھائیے !: زیر نظر کتاب میں معاشرتی مسائل کا حل سیرت پاک صلى اللہ علیہ وسلم کے حوالے سے ذکر کیا گیا ہے ، سیرت اور تاریخ کے چھوٹے چھوٹے واقعات اور مؤلف کی اپنی زندگی کے بیس سالہ تجربات اس کتاب کا لوازمہ ہیں- اس کتاب کو مؤلف نے خونِ جگر کی روشنائی سے لکھا ہے، جسکی سطروں میں اپنی روح کو انڈیل دیا ہے ، اور جس میں انکی یاد داشتوں کا نچوڑ شامل ہے. اس کتاب کو پڑھ کر اور اس پر عمل کرکے ہم اپنی زندگی کو بڑا پر لطف اور آسان بنا سکتے ہیں- زندگی کے دکھوں کا مداوا کرنے اور دلوں کا قلق واضطراب دور کرنے کے کتنے ہی طریقے اس کتاب میں بیان کئے گئے ہیں ضرور پڑھیں اور زندگی سے لطف اندوز ہوں-
جادُو کی حقیقت خطرات- احتیاطی تدابیر-علاج (کتاب وسنت کی روشنی میں):
پیش نظرکتاب میں فضیلۃ الشیخ غازی عزیر مبارکپوری حفطہ اللہ نے جادو، کہانت اور علم نجوم کی حرمت، نیز اسلام میں ایسے افعال کے مرتکبین کے بارے میں قرآن وسنت کی روشنی میں احکامات پر، بڑی تحقیق اور تفصیل سے روشنی ڈالی ہے کہ ایک مسلمان گھرانہ ان جنوں کی آسیب زدگی اور جادو کے اثرات سے کیسے محفوط رہ سکتا ہے، نیز فاضل مؤلف نے برصغیر پاک وہند میں رائج جادو اور آسیب وغیرہ سے بچاؤ اور علاج کے غیرشرعی طریقے بتلا کر نام نہاد پیروں فقیروں اور شعبدہ بازوں کی حقیقت سے بھی پردہ اٹھایا ہے ۔ کتاب میں کم وبیش 180عناوین قائم کرکے ان تمام تحقیق طلب سوالات کے جوابات فراہم کردئے گئے ہیں جو اس تعلق سے بالعموم ذہنوں میں پیدا ہوتے ہیں۔ ان شاء اللہ یہ کتاب بہت سے گھرانوں کو شعبدہ بازوں کی دسیسہ کاریوں اور لٹیروں کی لوٹ مار سے بچانے میں ممد ومعاون ثابت ہوگی۔
آخری اضافہ ( اردو )
کتابیں
( اردو )
2014-04-20
زیر نظر کتاب امام المحدثین، شمس الموحدین اور کتاب وسنت کے بے باک داعی امام احمد بن حنبل رحمہ اللہ کی خدمت حدیث کے سلسلہ میں معرکہ آراء تصنیف ہے ۔جس کی حسن ترتیب اور بہترین انتخاب کی دنیا معترف ہے۔ یہ کتاب احادیث نبویہ کا عظیم و وسیع ذخیرہ ہے ، جس میں تیس ہزار کے لگ بھگ مرویات ہیں ۔ اتنا بڑا ذخیرۂ احادیث کسی ایک مؤلف کی الگ تالیف میں ناپید ہے۔ ان اوصاف کے سبب علمائے حدیث اور شائقین تحقیق ہمیشہ سے اس کتاب کے دلدادہ اور طالب رہے ہیں ۔اس کتاب کی افادیت و اہمیت کے پیش نظر حافظ احمد شاکر اور شعیب ارنؤوط نے اس کی تحقیق و تخریج کی جس کی وجہ سے اس کتاب سے استفادہ کرنا آسان ہو گیا اور صحیح ، حسن اور ضعیف روایات کی پہچان سہل ہو گئی۔ احادیث نبویہ کے اس وسیع ذخیرے سے عربی دان طبقہ ہی اپنی علمی تشنگی دور کر سکتا تھا لیکن اردو داں طبقہ کے لیے اس سے استفادہ مشکل تھا۔ چنانچہ علم حدیث کو عام کرنے اور عامیوں کو احادیث نبویہ سے روشناس کرانے کے لیے اردو مکتبہ جات نے کمرہمت کسی اور ہر مکتبہ نے اپنی استعدادو استطاعت کے مطابق کتب احادیث کے تراجم و فوائد شائع کرنے کا آغاز کیا اور یہ سلسلہ صحاح ستہ سے بڑھتا ہوا دیگر کتب احادیث تک جا پہنچا ۔ پھر عوام الناس کے کتب احادیث سے ذوق و شوق کے سبب مالکان مکتبہ جات میں حوصلہ بڑھا اور انہوں نے بڑی کتب احادیث کے تراجم پیش کرنے کا عزم کیا اسی سلسلہ کی کڑی مسند احمد بن حنبل کا زیر نظر ترجمہ ہے ۔جو مکتبہ رحمانیہ کی بہت بڑی علم دوستی اور جذبہ خدمت حدیث کا منہ بولتا ثبوت ہے ۔کتاب کے ترجمہ میں مترجم کی علمی گہرائی اور وسعت مطالعہ کی داد دینا پڑتی ہے ۔ نیز احادیث کی مختصر تخریج اور روایات کے صحت و ضعف کے حکم کی وجہ سے کتاب کی اہمیت دو چند ہوگئی ہے ۔احادیث پر اکثر حکم تو الشیخ شعیب ارنؤوط کا ہے البتہ بعض روایات پر شیخ البانی کا حکم نقل کیا گیا ہے۔عمومی و اجتماعی فوائد کے اعتبار سے یہ نہایت مفید کتاب ہے لیکن اشاعت کی عجلت یا کسی ضروری مصلحت کی وجہ سے کتاب کو معیاری بنانے میں کوتاہی کی گئی ہے ۔کیونکہ احادیث کی تخریج و تحقیق کے اسلوب کی نہ تو مقدمہ میں وضاحت کی گئی ہے اور نہ ہی تخریج و تحقیق کا معیار ایک ہے۔ بلکہ کچھ احادیث کی مختصر تخریج ہے اور بعض احادیث تخریج سے یکسر خالی ہیں۔ یہی معاملہ تحقیق کا ہے کہیں شعیب ارنؤوط کا حکم نقل ہے ،کہیں علامہ البانی کا اور کہیں دونوں کے متضاد حکم درج ہیں۔ اور اکثر ضعیف روایات کے اسباب ضعف غیر منقول ہیں اس کے برعکس کچھ مزید علمی فوائد ہیں: مثلاً حدیث نفس صفحہ بارہ پر مسند احمد کے راویوں کی ترتیب کا بیان ہے چونکہ یہ ترتیب غیر ہجائی ہے اس لیے صفحہ چھیالیس پر تمام راویوں کی حروف ہجائی کے اعتبار سے ترتیب نقل کی گئی ہے ۔نیز احادیث کی تلاش کی خاطر آخری دو جلدوں میں احادیث کے اطراف درج کیے گئے ہیں ۔جس سے احادیث کی تلاش قدرے آسان ہو گئی ہے۔ چودہ ضخیم جلدوں اور اٹھائیس ہزار ایک سو ننانوے احادیث پر مشتمل یہ کتاب طالبان علوم نبوّت کیلئے گرانقدر علمی تحفہ ہے۔ رب کریم، کتاب کے مؤلف، مترجم، محقق، مراجع ناشر کو جزائے خیر دے، اور جملہ قارئین کے لئے اسکے نفع کو عام کرے، اور ہم سب کو نبی پاک صلی اللہ علیہ وسلم کی سنت کو اپنی زندگی میں حرزِ جاں بنانے کی توفیق دے۔ آمین!
کتابیں
( اردو )
2014-04-20
مستدرک علی الصحیحین اہل سنت وجماعت کے مشہور عالم امام حافظ ابو عبد اللہ محمد بن عبد اللہ حاکم نیشاپوری (متوفی 405ھ) رحمہ اللہ کا مرتّب کیا ہوا احادیث کا مجموعہ ہے۔ جسے امام حاکم رحمہ اللہ نے 72سال کی عمر میں ترتیب دیا۔ حاکم نیشاپوری کا دعویٰ ہے کہ اس کتاب کی تمام احادیث صحیح بخاری، صحیح مسلم یا دونوں کے معیار کے مطابق حسن اور صحیح احادیث ہیں۔ یہ کتاب المستدرک الحاکم کے نام سے مشہور ہے۔لیکن علماء اہل حدیث کا کہنا ہے کہ امام حاکم رحمہ اللہ حدیث کی تصحیح میں متساہل تھے جس کی بنا پر مستدرک میں بہت ساری ضعیف اور موضوع حدیثیں ذکر کر ڈالی ہیں۔ امام ذہبی رحمہ اللہ نے کتاب کا اختصار کیا اور اس پر بعض مفید تعلیقات بھی چڑھائی ہیں. بہرحال احادیث کا یہ مجموعہ امام بخاری و مسلم کی احادیث میں ایک زبردست اضافہ ہے۔ نوٹ: مستدرک علی الصحیحین جلد اوّل کا ترجمہ پیش قارئین ہے اگر اسکی بقیہ چار جلدوں کا ترجمہ ہوجاتا تو کتاب سے بھر پور استفادہ حاصل کرنا آسان ہوجاتا۔
کتابیں
( اردو )
2014-04-20
الإتحاف الباسم في تحقيق وتخريج وشرح موطأ إمام مالك: رواية ابن القاسم [ملخّص القابسي ] (اُردو): "موطأ " دوسری صدی ہجری کے مشہور اور نابغہ ٔ روزگار محدث امام مالک(ت۱۷۹ھ) رحمہ اللہ کی شہرہ آفاق تالیف ہے جسے صحیح بخاری سے پہلے کتاب اللہ کے بعد سب سے بہتر کتاب ہونے کا شرف حاصل تھا ۔ یہ کتاب مرفوع احادیث کے علاوہ بہت سے فقہی احکام پر مبنی فقہاء صحابہ، تابعین اور تبع تابعین کے فتاوی، فیصلہ جات اور اجتہادات سے بھی مالا مال ہے۔اور فقہ اور اصول فقہ کے بارے میں امام مالک رحمہ اللہ کے نقطہ نظر کو واضح کرتی ہے۔ اس کتاب کو امام مالک رحمہ اللہ نے مدینہ کے ستّر فقہاء پر پیش کیا اور سب نے اس پر موافقت فرمائی۔کتاب کی افادیت کے پیش نظر اردو زبان میں اسکے کئی مشہور ترجمے منظر عام پر آئے، مگر حافظ زبیر علیزئی رحمہ اللہ کی ژرف نگاہی نے موطأ امام مالک کے صحیح ترین نسخے کا انتخاب کیا جو امام مالک کے تلمیذ خاص عبد الرحمن بن القاسم المصری کی تلخیص القابسی کی صورت میں موجود تھا۔ مولانا نے اس ملخص کا ترجمہ ہی نہیں کیا بلکہ فقہ الحدیث اور فوائد کا اضافہ کیا اور حدیث کی تخریج کرکے طالبان علوم نبوت کیلئے اس سے بھر پور استفادہ حاصل کرنا آسان بنادیا۔ حدیث کا یہ مجموعہ طالبان علوم نبوت کیلئے یقینا ایک بیش بہا علمی تحفہ ہے۔ رب کریم کتاب کے مؤلف، مترجم، محقق ، ناشر، مراجع کو جزائے خیر دے ، اور جملہ قارئین کے لئے اس کے نفع کو عام کرے۔ اور ہم سب کو نبی پاک صلی اللہ علیہ وسلم کی سنت کو اپنی زندگی میں حرزِ جاں بنانے کی توفیق دے۔ آمین!
قرآن کریم
( اردو )
2014-04-12
قاری حسن محمد صالح کی مرتّل قرآن کریم کا البم بروایت ورش عن نافع mp3 فارمیٹ میں 128 kb فی سکنڈ کی رفتارسے ممتازہے.
قرآن کریم
( اردو )
2014-04-12
قاری یاسین جزائری کی مرتّل قرآن کریم کا البم بروایت ورش عن نافع mp3 فارمیٹ میں 128 kb فی سکنڈ کی رفتارسے ممتازہے.
قرآن کریم
( اردو )
2014-04-12
قاری عبد العلی بن طاہر اعنون کی مرتّل قرآن کریم کا البم قصر بدل کے ساتھ ازرق کے طریق سے ورش عن نافع کی روایت میں mp3 فارمیٹ میں 128 kb فی سکنڈ کی رفتارسے ممتازہے.
قرآن کریم
( اردو )
2014-04-12
قاری مفتاح محمد یونس سلطنی کی مرتّل قرآن کریم کا البم بروایت روح عن یعقوب حضرمی mp3 فارمیٹ میں 128 kb فی سکنڈ کی رفتارسے ممتازہے.
قرآن کریم
( اردو )
2014-04-12
قاری مفتاح محمد یونس سلطنی کی مرتّل قرآن کریم کا البم بروایت رویس عن یعقوب حضرمی mp3 فارمیٹ میں 128 kb فی سکنڈ کی رفتارسے ممتازہے.
قرآن کریم
( اردو )
2014-04-12
قاری رشید بلعالیہ کی مرتّل قرآن کریم کا البم بروایت ورش عن نافع mp3 فارمیٹ میں 128 kb فی سکنڈ کی رفتارسے ممتازہے.
قرآن کریم
( اردو )
2014-04-12
قاری محمود محمد رشاد شیمی کی مرتّل قرآن کریم کا البم بروایت شعبہ عن عاصم mp3 فارمیٹ میں 128 kb فی سکنڈ کی رفتارسے ممتازہے.
Go to the Top